Жаңалықтар

2026 жылдың 17-20 ақпан күндері CFive командасы Вашингтонға маңызды іс-сапармен барып қайтты. Төрт күнге созылған бұл сапар барысында мамандар Американың ең ірі саяси орталықтары мен зерттеу институттарының сарапшыларымен кездесті. Талқылау Қазақстанның әлемдік экономикадағы рөлін нығайту, пайдалы қазбаларды игеру және жаңа сауда жолдарын ашу төңірегінде өрбіді. Мұндай іс-сапарлардың басты мақсаты тек пікір алмасу ғана емес, болашақта бірлескен жобаларды қолға алып, бизнес қатынастарды жаңа деңгейге көтеру.

Аталған маңызды кездесу Вашингтонда өткен Бейбітшілік саммитімен тұспа-тұс келді. Айта кетейік, бұл саммитке АҚШ Президенті Дональд Трамптың арнайы шақыруымен еліміздің Президенті Қасым-Жомарт Кемелұлы қатысты. Мемлекет басшысының осындай жоғары деңгейдегі жиынға қатысуы еліміздің халықаралық аренадағы салмағы мен беделінің қаншалықты жоғары екенін тағы бір мәрте дәлелдеді.

Сапар барысында Қазақстанның әлемді байланыстырушы мемлекет ретіндегі рөлі ерекше. Еуропа мен Азияның түйіскен жерінде орналасқан біздің ел барлық алпауыт мемлекеттермен тең теңгерімді қарым-қатынас орнатып келеді. Біздің еліміз Шығыс пен Батыс арасындағы, сондай-ақ дамыған Солтүстік пен дамушы Оңтүстік елдері арасындағы алтын көпір іспетті. Қазақстанның келіссөздер жүргізудегі бай тәжірибесі мен ашық дипломатиясы әлем елдерінің бізге деген сенімін арттыра түседі.

Қорыта айтқанда, CFive командасының Вашингтондағы жұмысы мен Қазақстанның жоғары деңгейдегі саммитке қатысуы — елімізді әлемдік даму орталықтарымен тығыз байланыстыруға бағытталған үлкен қадам. Бұл тек саяси жетістік қана емес, сонымен қатар Орталық Азияны, Америка, Еуропа және Таяу Шығыс елдерімен біріктіретін жаңа мүмкіндіктерге жол ашады. Мұндай халықаралық ынтымақтастық елімізге жаңа инвестициялар әкеліп, экономиканың өсуіне және жастардың жарқын болашағына қызмет етпек.

Алғаш рет Бейжің тіл және мәдениет университетінің филиалы (BLCU Kazakhstan) қабырғасында Қытай елінің Жаңа жылына арналған ауқымды мерекелік іс-шара өтті. 2026 жылдың 18 ақпанында филиалымыз жергілікті қытайтанушыларды, студенттерді, оқытушыларды және құрметті қонақтардың басын біріктірген мерекелік алаңға айналды,.

Іс-шара жылы әрі салтанатты атмосферада өтті. Мерекеге AIU вице-президенті Абдрахманов Қайрат Амангелдіұлы қатысты. Қатысушылар қатарында Астана халықаралық университетінің экономика және бизнес бағыты бойынша UIBE университетімен бірлескен қосдипломды бағдарламасының студенттері, BLCU Kazakhstan студенттері, NU Chinese Club өкілдері, сондай-ақ Қарағанды қаласынан келген Е. А. Бөкетов атындағы Қарағанды ұлттық зерттеу университетінің және Л. Н. Гумилев атындағы Еуразия ұлттық университетінің өкілдері болды.

Бағдарлама аясында қатысушыларға Қытайдағы ең басты дәстүрлі мереке - Чуньцзе, яғни Көктем мейрамының мән-мағынасы түсіндірілді. Бұл мереке жаңаруды, отбасы бірлігін және жаңа жылдың басталуын білдіреді. Қытай Жаңа жылының дәстүрлерімен танысу қонақтарға қытай халқының мәдени құндылықтарын тереңірек түсінуге мүмкіндік берді.

Бағдарламада Қазақстан мен Қытай арасындағы достық тақырыбына ерекше назар аударылды. Қытайлық қонақтарға құрмет белгісі ретінде қазақтың ұлттық өнері ұсынылды. Сахнада NU Orchestra өнер көрсетіп, ал BLCU Kazakhstan қосдипломды бағдарламасының студенттері қазақ және қытай мәдени элементтерін үйлестірген «екі халықтың достық биін» орындады.

BLCU Kazakhstan-та өткен Қытай Жаңа жылын мерекелеу Қазақстан мен Қытай арасындағы берік байланыстарды айқындайтын маңызды мәдени оқиғаға айналып, білім беру және жастар бастамаларының екі ел арасындағы өзара құрмет пен ынтымақтастықты нығайтудағы рөлін айқын көрсетті.

Германияның Мюнхен қаласында өткен әлемдік деңгейдегі қауіпсіздік конференциясы аясында еліміз үшін өте маңызды кездесу өтті. Бұл жиында алғаш рет біздің өңір арқылы өтетін «Орта дәліз», яғни Транскаспий халықаралық көлік жолының әлеуеті талқыланды. Кездесуді қазақстандық CFive зияткерлік платформасы мен Каспий саяси орталығы бірлесіп ұйымдастырды. Бұл шараның әлемдік деңгейдегі үлкен форумның бағдарламасына енуі — еліміздің халықаралық аренадағы беделінің артып келе жатқанын көрсетеді.

Қарапайым тілмен айтқанда, «Орта дәліз» — бұл Еуропа мен Азияны Каспий теңізі арқылы тікелей жалғайтын ең тиімді сауда жолы. Кездесуде Еуропадағы танымал саясаткерлер мен біздің еліміздің Президент Әкімшілігінің өкілдері, сондай-ақ көршілес Өзбекстан мен Әзірбайжанның мамандары бас қосты. Олар бұл жолдың тек тауар тасу үшін ғана емес, жаңа инвестициялар тарту және экономиканы дамыту үшін қаншалықты маңызды екенін сөз етті.

Бұл жобаның болашақ студенттер мен жас мамандар үшін маңызы зор, себебі Орта дәлізді дамыту — жаңа заманауи жұмыс орындарын ашу, логистика мен IT-технологияларды жетілдіру және халықаралық байланыстарды нығайту дегенді білдіреді. Сонымен қатар, инфрақұрылымды жаңарту және цифрлық жүйелерді енгізу мәселелері де басты назарда болды. Мұндай ауқымды жобалар біздің жастарымызға әлемдік деңгейдегі мамандармен иық тіресе жұмыс істеуге мүмкіндік береді.

Қазіргі заманда мемлекеттердің табысты дамуы үшін көрші елдермен тығыз байланыс орнатуы маңызды. Орталық Азия әлемдік нарықтар арасындағы негізгі көпірге айналып келе жатқанда, университеттер мен сараптамалық орталықтардың рөлі ерекше рөлге ие болады. Осы бағытта ағымдағы жылдың 13-ші ақпан күні AIU базасындағы CFive зияткерлік платформасында Халықаралық жекеменшік кәсіпкерлік орталығының (CIPE) өкілдерімен маңызды кездесу өтті. Басқосудың негізгі мақсаты біздің аймақтағы интеграциялық процестер мен экономикалық ынтымақтастықтың келешегін талқылау болды.

Дискуссияға CIPE ұйымының Евразия өңіріндегі бағдарламаларын дамытуға жауапты жетекші мамандары Наталья Отель Белан, Джереми Коэн және Мақсат Короолуев қатысты. AIU тарапынан университет президенті Серік Ирсалиев пен CFive басшысы Сапарғали Шалғымбаев қатысып, сараптамалық жұмыстарды нақты экономикалық өзгерістерге қалай айналдыруға болатыны туралы ой бөлісті. Тараптардың өзара талқысы орталық Азия елдері мен АҚШ арасындағы экономикалық байланыстарды нығайту және бизнес ортаны жетілдіру мәселелерін де айналып өткен жоқ.

Кездесу барысында өңірлік интеграцияны қолдау, білім беру және талдау салаларында бірлесіп әрекет ету мүмкіндіктеріне ерекше назар аударылды. AIU үшін CIPE сияқты ірі халықаралық ұйымдармен серіктестік орнату ауқымды стратегиялық басымдық. Бұл қадам университеттің халықаралық білім хабы ретіндегі мәртебесін нығайтып, ғалымдарға әлемдік озық тәжірибемен танысуға мүмкіндік береді. Осылайша, университеттегі ғылыми зерттеулер нақты нарық сұраныстарымен және жаһандық трендтермен үндеспекші.

Университет басшылығы теория мен практика тоғысатын ерекше орта құрып жатқанын атап өтті. CIPE-мен ынтымақтастық зерттеушілерімізге аймақтың жаңа экономикалық әлеуетін қалыптастыруына тікелей қатыса алады. Кездесу өте жылы өткенін әрі екі жақ тараптың алдағы уақытта да бірлескен жобаларды дамытуға ниетті екенін растады.

Президент Қасым-Жомарт Кемелұлы Тоқаев елімізді Орталық Азиядағы басты цифрлық және зияткерлік орталыққа айналдыруды міндеттеді. Бұл мақсатқа жету үшін білім мен ғылымды халықаралық деңгейге көтеру басты парызымыз.

Осыған орай, Астана Халықаралық Университеті (AIU) Қазақстан мен әлемнің ірі ғылыми орталықтары арасында алтын көпірге айналып отыр.  Мұның айқын дәлелі ретінде 2026 жылдың 2-ақпанында университет қабырғасында өткен CFive тәуелсіз платформасының ресми іске қосылуын айта алмыз. Американың беделді «Atlantic Council» және «Caspian Policy Center» ұйымдарымен бірлесіп құрылған бұл жоба университетті жаһандық саясат пен академиялық білім тоғысқан стратегиялық орталыққа айналдырмақ.

Платформа аясында өткізілген «Central Asia 2030: Strategic Horizons and Regional Choices» атты форумға мемлекеттік органдардың басшылары мен шетелдік дипломаттар жиналып, Орталық Азияның 2030 жылға дейінгі даму жоспарын талқылады. Жиынға қатысқан мәртебелі қонақтардың қатарында:

·        Еркин Тукумов – ҚР Президентінің Ауғанстан бойынша арнайы өкілі;

·        Зульфия Сулейменова – Сыртқы Істер Министрлігі, Қазақстанның стратегиялық бастамаларына жауапты Елші;

·        Ааро Илитало – Еуропалық Одақ өкілі;

·        Самуэль Миллс – Ұлыбритания Саяси және коммуникация бөлімінің басшысы;

·        Беатрис Муньос Гонсалес – Испания дипломатиялық миссия басшылығынң орынбасары;

·        Элиас Оппенридер – Германия Федеративтік Республикасының бірінші хатшысы;

·        Искандер Акылбаев – CFive платформасының төрағасы;

Сондай-ақ Қазақстан стратегиялық зерттеулер институты, Бенилюкс сауда палатасы және АҚШ-тан келген халықаралық сарапшылар болды.

Басты тақырып – Орталық Азияның болашағы және ондағы елдердің өзара қарым-қатынасы. Мамандар «Траснкаспий дәлізі» (Middle corridor) жобасын ортаға салды. Бұл инфрақұрылым еліміздің экономикалық тәуелсіздігі мен тұрақты өсуі үшін қажет. Былтыр Орталық Азия елдерінің кеден және цифрлық жүйелерді бірлесіп дамытуда үлкен жетістікке жеткені айтылды.

Аталмыш дискуссияда АҚШ азаматтары Орталық Азияны өз мүддесі мен күші бар дербес одақ ретінде көретіндерін жеткізді. Болашақта АҚШ пен Еуропадан үлкен көлемде инвестиция тарту үшін пайдалы қазбаларды өндіру және жолдарды дамыту бойынша нақты жұмыстар атқаруымыз керек.

Университет қауымдастығы үшін CFive-тың пайдасы орасан зор. Студенттеріміз енді тек оқулықпен шектелмей, Вашингтон мен Астананың үздік мамандарымен бірге халықаралық жобаларға қатысып, әлемдік деңгейдегі зерттеулерді өз көзімен көріп, тәжірибе жинақтауға мүмкіндік алады. Осылайша оқу ордамыз тек қарапайым маман даярлап қана қоймай, еліміздің болашағын құратын, заманға сай келешек ұрпақты тәрбиелеп жатқанын тағы да дәлелдеді.

ЮНЕСКО-ға қарасты «Әлем естелігі» (Memory of the World) бағдарламасы сарапшыларының сөзінше мәдени мұраны сақтап қалу үшін оны цифрландыру керек. IT-шешімдерді белсенді енгізу - қазіргі таңдағы мәдени дипломатияның басты талабы.

Осы орайда 2026 жылы 28 қаңтарда университетімізде Түркі мәдениеті мен мұрасы қорының делегациясы қонақ болды. Түркі халқы мұрасын әлемдік деңгейде сақтау — қордың басты мақсаты болса, міндетіне тарихи жәдігерлер туралы ғылыми зерттеулерді қолдау және оларды қорғауды жатқызамыз. Еске сала кетейік, 2023 жылы Елордамызда Түркі мемлекеттері ұйымының мерейтойлық X саммиті өтті.

Осы стратегиялық бағытты іске асыру аясында университетіміздің Президенті Серік Ирсалиев пен аталмыш қордың басшысы Ақтоты Райымқұлованың арасында ауқымды диалог өтті. Пікірталаста Astana HUB және «НИТ» АҚ технологиялық көшбасшылары, сондай-ақ Астана Халықаралық университетінің IT және инженерия жоғары мектебінің профессорлары мен IT департаментінің қызметкерлері қатысты.

Қор басшысы тарихи мұраны дәріптеу жолындағы жаһандық бастамалармен таныстырып өтті. Бұл гуманитарлық жобаға Astana HUB өз стартаптарын қолдануды ұсынса, «НИТ» АҚ AlemGPT ұлттық нейрожеліні енгізуге дайын екенін білдірді. Ал біздің университетіміз бұл жобаға академиялық ресурсын толықтай жұмылдыруға әзір. Мұндай цифрлық өзгерістер келешек буын үшін терең тарихымызды қолжетімді ететіні рас.

Кездесу нәтижесінде жақын арада ынтымақтастық туралы төртжақты меморандумға қол қою жоспары бар. Бұл шешім халықаралық Қор мен университет және IT-құрылымдардың күш-жігерін түгелдей біріктіретіні сөзсіз.

AIU оқу ордасы Қазақстандағы туризм саласының дамуына және заманауи инфрақұрылым қалыптастыруға белсенді үлес қосуды көздейді.

Осы бағытта халықаралық тәжірибесі бар финдік құрылыс және сәулет компанияларының өкілдерімен кездесу өтті. Кездесу барысында ықтимал ынтымақтастық, экологиялық шешімдер енгізу және туристік тартымдылықты арттыратын нысандарды дамыту мәселелері талқыланды.

Университет туризмді білім, ғылым және халықаралық серіктестікті тоғыстыратын стратегиялық бағыт ретінде қарастырады. Ортақ жобалар өңір экономикасының дамуына және сапалы туристік орта қалыптастыруға ықпал етеді.

Сонымен қатар инфрақұрылымның дамуы профессор-оқытушылар құрамына демалыс мүмкіндігін кеңейтеді.

Университет – тек білім ордасы ғана емес, елдің әлеуметтік-экономикалық дамуына үлес қосатын белсенді институт.

Университетімізге келген финдік делегация құрамында:

• Ахти Сакари Жунтила, Onnivations Oy бас директоры

• Франк Исоними, Opus Arcticus Oy бас директоры

• Ари Тапанен Рэсанин, Thermiahirsi Oy бас директор-серіктесі

• Луис Альфонсо Гонсалес Тойвола, Grow Capital Oy халықаралық бизнес жөніндегі директоры

Осылайша, халықаралық әріптестермен ынтымақтастық бізге Қазақстанның туристік секторын дамыту, инновациялық технологияларды енгізу және инфрақұрылым сапасын арттыру үшін жаңа перспективалар ашады. Университет өңіріміздің игілігі үшін білім, ғылым және тәжірибені біріктіріп, тұрақты экономикалық және әлеуметтік өсуге жағдай жасайтын құзыретті орталық рөлін нығайтуды жалғастыруда.

2026 жылғы 20 қаңтарда Astana International University қабырғасында академиялық ұтқырлық бағдарламасы аясында білім алуға келген Тәжікстан мен Қырғызстаннан келген студенттермен мазмұнды әрі жылы кездесу өтті.

Шетелдік студенттер Сотим Улугзода атындағы Тәжік халықаралық университеті (Душанбе қ., Тәжікстан) және Ош мемлекеттік университеті (Ош қ., Қырғызстан) университеттерімен жасалған ынтымақтастық туралы келісімдер негізінде білім алуда.

Кездесуге университет басшылығы, сондай-ақ Өнер және гуманитарлық ғылымдар жоғары мектебінің және Педагогикалық институттың декандары қатысты. Бұл академиялық ұтқырлық пен халықаралық ынтымақтастыққа көрсетілетін жоғары деңгейдегі қолдауды айқындайды.

Ашық диалог форматында өткен кездесуде студенттер өздерін таныстырып, AIU-дағы оқу мен студенттік өмір туралы алғашқы әсерлерімен бөлісті, сондай-ақ көкейлеріндегі сұрақтарын қойды. Талқылау барысында білім алу мүмкіндіктері, академиялық орта, мәдени алмасу және серіктес университеттер арасындағы болашақ ынтымақтастық перспективалары сөз болды.

AIU Президенті университеттің шетелдік студенттерге ашық екенін атап өтіп, халықаралық академиялық байланыстарды жүйелі түрде дамытып келе жатқанын, студенттердің оқуына, бейімделуіне және кәсіби дамуына қолайлы жағдай жасалатынын айтты. Оның айтуынша, мұндай кездесулер серіктестік қатынастарды нығайтуға, мәдениетаралық диалогты кеңейтуге және біртұтас академиялық кеңістік қалыптастыруға ықпал етеді.

AIU академиялық ұтқырлық бағдарламаларын халықаралық білім беру кеңістігіне кірігудің маңызды тетігі ретінде қарастырып, оларды белсенді түрде қолдап келеді.

Хайнань аралында Қытайдың жетекші жоғары оқу орындарының бірі - Бейжің тіл және мәдениет университетінде (BLCU) өткен BLCU Kazakhstan филиалы студенттерінің тілдік тағылымдамасы өз мәресіне жетті. Бағдарламаға 50 студент қатысып, бұл екі апта олардың білім жолындағы мазмұнды, әсерлі және аса маңызды кезеңге айналды.

Тағылымдама 2025 жылғы 15-29 желтоқсан аралығында өтті және қытай тілін оқытудың әлемдегі ең беделді орталықтарының біріндегі шынайы академиялық ортаға енуге бірегей мүмкіндік берді. Айта кету керек, дәл осы университетте 1983-1984 жылдары Қазақстан Республикасының Президенті Қасым-Жомарт Тоқаев білім алған, бұл тағылымдаманың тарихи маңызын және символдық мәнін арттыра түседі.

Екі апта бойы студенттер BLCU университетінде шетелдік студенттерге қолданылатын қытай тілін оқыту әдістемесі бойынша білім алды. Қысқа әрі қарқынды кезең ішінде қатысушылар қытай тілін меңгеру деңгейін айтарлықтай арттырып, сөздік қорын кеңейтті және ауызша сөйлеу дағдыларын жақсартты.

Оқу сабақтарымен қатар бағдарлама мазмұнды мәдени және тәжірибелік іс-шараларды қамтыды. Студенттер қытай каллиграфиясы мен тайцзицюань (қозғалыс, тыныс алу жаттығулары мен үйлесім философиясын біріктіретін дәстүрлі қытай жауынгерлік өнері) бойынша шеберлік сабақтарына қатысты. Сонымен қатар олар Қытайдың тарихы мен дәстүрлерімен танысып, Хайнань аралы мен Санья қаласының көрнекті орындарын аралады, ли мен мяо ұлттарының ауылдарында болып, «Бұғы басын бұрған» саябағын және «Романтик» атты ең ірі тақырыптық паркті тамашалады.

Бұл тағылымдама студенттер үшін тек білім алу үдерісі ғана емес, сонымен қатар мәдени, өркениетаралық және тұлғалық даму тәжірибесіне айналды. Ол қытай мәдениетін тереңірек түсінуге, дүниетанымды кеңейтуге, халықаралық тәжірибе жинақтауға және жаңа таныстықтар орнатуға мүмкіндік берді.

Бағдарлама аяқталған соң барлық қатысушыларға Бейжің тіл және мәдениет университетінде тілдік тағылымдамадан өткенін растайтын сертификаттар табысталды.

Хайнаньдағы бұл екі апта студенттік өмірдің жарқын беттерінің біріне айналып, құнды білім, шабыт пен алдағы жетістіктерге деген ынта сыйлады.

Astana International University студенті Бакдаулет Кемал 2025-2026 маусымындағы халықаралық Huawei ICT Competition байқауында III орынға ие болды.

Жеңімпаздың аты-жөні мен нәтижесі салтанатты марапаттау рәсімі барысында ресми түрде жарияланды. Марапаттау рәсіміне Astana International University вице-президенті Қайрат Амангельдиевич және Ақпараттық технологиялар және инженерия жоғары мектебі деканының орынбасары Мира Жорабековна қатысып, іс-шараның жоғары мәртебесін және байқаудың ІТ-білім беруді дамыту мен бәсекеге қабілетті мамандар даярлаудағы маңызын атап өтті.

Сондай-ақ жеңімпаздарға сертификаттар мен сыйлықтарды Қазақстан Республикасының Ғылым және жоғары білім министрлігінің вице-министрі Шеглова Д.Р. және Huawei компаниясының Қазақстандағы басшылығы табыстады.

Huawei ICT Competition ақпараттық-коммуникациялық технологиялар саласындағы әлемнің ондаған елінен студенттерді біріктіретін ең ірі халықаралық байқаулардың бірі. Бакдаулет Кемалдың жеңісі Astana International University студенттерінің жоғары дайындық деңгейін және университеттің білім беру бағдарламаларының сапасын айқын көрсетеді.

Astana International University (AIU) мен Азиаттық ғылымдар академиясы халықаралық ғылыми зерттеулерді дамыту, академиялық ұтқырлықты кеңейту және бірлескен білім беру бастамаларын іске асыруға бағытталған ынтымақтастық туралы меморандумға қол қойды.

Құжатта бірлескен ғылыми-зерттеу жобаларын жүзеге асыру, ғалымдар мен жас зерттеушілер алмасу, халықаралық конференциялар, семинарлар мен жазғы мектептер ұйымдастыру, сондай-ақ аналитикалық есептер мен сараптамалық ұсынымдар әзірлеу көзделген. Сонымен қатар жарияланымдық белсенділікті арттыруға, бірлескен ғылыми мақалалар мен ұжымдық монографиялар дайындауға ерекше назар аударылады.

Ынтымақтастық аясында пәнаралық зерттеулерді дамытуға және ғылым мен технологиялардың БҰҰ-ның Тұрақты даму мақсаттарына қол жеткізудегі рөліне басымдық беріледі. Бұл - ғылымды тек жаңа білім көзі ретінде ғана емес, жаһандық әлеуметтік-экономикалық және экологиялық мәселелерді шешудің тиімді құралы ретінде қарастыратын қазіргі әлемдік үрдістерге сай келетін бағыттардың бірі.

Меморандумда атап көрсетілгендей, серіктестік академиялық еркіндік, ашық ғылым, өзара құрмет және ерікті қатысу қағидаттарына негізделеді. Нақты жобалар мен оларды іске асыру тетіктері жекелеген келісімдер арқылы рәсімделіп, бұл тараптардың ғылыми басымдықтары мен мүмкіндіктерін икемді түрде ескеруге мүмкіндік береді.

Атап айтқанда, ынтымақтастықтың перспективалы бағыттарының бірі - аумақтық зияткерлік меншік бойынша азиялық жүйе құру. Мұндай жүйе ғылыми әзірлемелер мен өнертабыстарды халықаралық деңгейде қорғауға жол ашады:  патент бірден әлемнің 189 елінде уақытша (үш жылға дейін) құқықтық қорғауды қамтамасыз ете алады, сондай-ақ бір патент Еуропаның 38 елін қамтуы мүмкін. Бұл инженерлерге, зерттеушілер мен әзірлеушілерге ғылыми идеяларды коммерцияландыру және халықаралық деңгейде ілгерілету үшін жаңа мүмкіндіктер ұсынады.

Қазақстан мен Қытай арасындағы достық байланыстарды нығайтуға қосқан елеулі үлесі үшін Пекин тіл және мәдениет университетінің Президенті Дуань Пэн «Достық» орденінің II дәрежесімен марапатталды. Жоғары мемлекеттік награданы Қазақстан Республикасының Қытай Халық Республикасындағы Төтенше және Өкілетті Елшісі Шахрат Нұрышев табыстады.

Марапаттау рәсімі барысында Қазақстанның дипломатиялық миссиясының басшысы аталған орденнің маңыздылығына тоқталып, Бейжің тіл және мәдениет университетінің Қазақстан үшін білікті кадрлар даярлау ісіне қосқан үлесін ерекше атап өтті. Айта кету керек, Қазақстан Республикасының Президенті Қасым-Жомарт Тоқаев дәл осы оқу орнында білім алған. Бүгінде университет бұл игі дәстүрді жалғастырып, қазақстандық жастарды Бейжің қаласында да, Астана қаласындағы филиалында да даярлап келеді.

Белгілі болғандай, Бейжің тіл және мәдениет университетінің Астанадағы филиалы 2024 жылы екі елдің мемлекет басшыларының қатысуымен Астана халықаралық университетінің базасында салтанатты түрде ашылған болатын. Қазіргі таңда филиалда 250-ге жуық студент білім алуда.

Айта кетейік, «Достық» ордені халықтар арасындағы бейбітшілік, өзара түсіністік пен ынтымақтастықты нығайтуға қосқан ерекше еңбегі үшін табысталады. Бұл Қазақстан Республикасының беделді мемлекеттік наградаларының бірі саналады.