Жаңалықтар

2026 жыл, сәуірдің 10 күні Astana International University қабырғасында маңызды халықаралық кездесу өтті. Біздің университетіміз Литва делегациясы — Ұлы Витаутас атындағы университеттің (Vytautas Magnus University, VMU) өкілдерін қабылдады. Каунас қаласынан келген әріптестердің сапары 2025 жыл, қазанның 29 күні ресми бекітілген келісімшарттың жалғасы ретінде өрбіді. Екі жақ тараптардың өзара байланысын нығайтудан бөлек, ЖОО  студенттері мен зерттеушілері үшін нақты білім беру бағыттарын пысықтау бүгінгі келіссөздің басты мақсатына арқау болғаны сөзсіз. 

1922 жылы негізі қаланған Ұлы Витаутас атындағы университет Литвалық академиялық орталықтарының ішінде екінші орынға ие. Сонымен қатар, әлемдік QS World University Rankings рейтинг есебіне сәйкес жаһандық үздік жоғары оқу орындарының 5%-ына кіреді. VMU өзінің бірегей «Artes Liberales» (еркін өнер жүйесі) моделімен танымал, ол студенттерге пәнаралық байланыс пен терең тілдік дайындықты ұштастыра отырып, оқу бағдарламасын өз бетінше қалыптастыруға мүмкіндік береді. 

Оқу ордамызда өткен бұл кездесудің нәтижесі әлден айқын десек болады. Келіссөздің басты тақырыбы ретінде қос диплом бағдарламасын жүзеге асыру болды. Атап айтқанда, біздің тараптан Экономика жоғары мектебі «Халықаралық логистикалық менеджмент» және VMU тарапынан «Логистика және коммерция» бакалавриат бағдарламалары өзара бірлесіп, белсенді жұмыс жүргізбек. Бұл біздің студенттер үшін халықаралық еңбек нарығында мойындалатын екі елдің дипломын алуға мүмкіндік береді.

Қос дипломнан бөлек, тараптар академиялық ұтқырлық бойынша нақты жоспарларды айшықтады: білім алушылармен алғашқы тәжірибе алмасу 2026–2027 оқу жылында басталады. Сондай-ақ қысқа мерзімді курстар мен бірлескен PhD докторантура бағдарламалары да назардан тыс қалмады. Каунастық әріптестер тәжірибе бөлісуге және бірлескен ғылыми қызмет атқаруға дайын екендігін білдірді, бұл біздің докторанттар үшін Литваның алдыңғы қатарлы зерттеу базаларына жол ашады. Бүгінгі AIU мен VMU арасындағы келіссөз — сапалы білімді еш шектеусіз беруді мақсат еткен екі заманауи классикалық университеттің одағы екенін тағы бір мәрте дәлелдеді.

2026 жылдың 19 қаңтары мен 10 сәуірі аралығында алғаш рет

«Биология» білім беру бағдарламасының 3 және 4 курс студенттері арасында

«МЕНІҢ ҮЗДІК САБАҒЫМ» атты үздік қысқа мерзімді сабақ жоспары

байқауы өткізілді. Іс-шара «ЖОО–мектеп» жұмыс берушілермен өзара

ынтымақтастық аясында ұйымдастырылды.

Байқау Астана қаласының жалпы білім беретін мектептерінде

педагогикалық іс тәжірибеден өту барысында болашақ биология

мұғалімдерінің тәжірибелік қызметіне негізделе отырып, олардың кәсіби

құзыреттіліктерін қалыптастыруға бағытталды.

Байқау екі кезеңнен тұрды. Бірінші (сырттай) кезең мектептерде әс

тәжірибе базасының мұғалімдерінің жетекшілігімен өткізіліп, студент-

практиканттар өткізген сабақтардың ең үздік жоспарлары іріктелді.

Жеңімпаздар 2026 жылдың 3 сәуірінде университет базасында өткен екінші

(көзбе-көз) кезеңге ұсынылды.

Іс-шара студенттердің кәсіби дамуына ықпал етіп, қысқа мерзімді сабақ

жоспарын құрастыру дағдыларын, оқытудың белсенді әдістерін қолдану,

әрбір оқушының қажеттіліктерін ескере отырып сараланған оқыту тәсілін

жүзеге асыру, сыни ойлау дағдылары мен критериалды бағалау құралдарын

тиімді пайдалану қабілеттерін көрсетуге мүмкіндік берді.

Байқаудың бірінші кезеңінің жеңімпаздары кәсіби сайысқа қатысқаны

үшін сертификаттармен марапатталды, ал екінші кезеңнің жеңімпаздары AIU

ректорының атынан I, II және III дәрежелі дипломдармен марапатталды.

Өткізілген іс-шара болашақ мамандарды даярлауда маңызды рөл

атқарады, өйткені ол студенттердің пәндік және кәсіби құзыреттерін

қалыптастырумен қатар, биология пәні бойынша заманауи әдістемелік

әзірлемелер қорын толықтыруға, сондай-ақ студент-биологтардың

шығармашылық белсенділігі мен зерттеушілік ұстанымын дамытуға ықпал

етеді.

Астана қаласының мектептеріндегі әріптестеріміз Сагатбекова

Серікқайша Қабылғазиновна мен Архыматаева Арай Жақсылыққызына

бірлескен жұмыстағы белсенді қатысулары үшін шынайы алғысымызды

білдіреміз және алдағы уақытта да ынтымақтастығымыз жалғасады деп

сенеміз!

Astana International University базасында Педагогикалық институттың

Инклюзивті және қосымша білім беру бөлімінің бастамасымен «Ерекше білім

беру қажеттіліктері бар студенттерге жеке қолдау көрсету жолдары: теория

және практика» тақырыбында «Үміт шырағы» волонтерлік клубының

студенттеріне арналған мазмұнды оқыту іс-шарасы өтті.

Кездесудің мақсаты – студент-волонтерлардың ерекше білім беру

қажеттіліктері бар білім алушыларды сүйемелдеу және қолдау көрсету

саласындағы білімдері мен тәжірибелік дағдыларын арттыру, сондай-ақ

университеттің білім беру ортасында инклюзивті мәдениетті дамыту болды.

Іс-шараның құрметті қонақтары, тәжірибелі тифлопедагогтер

Сағимбаева Сауле Лябиевна мен Уралбаев Әділ Ерланұлы өздерінің

ғылыми-әдістемелік тәжірибелерімен, кәсіби білімдерімен және инклюзивті

білім беруді дамытуға қатысты маңызды тәжірибелік тәсілдерімен бөлісті.

Оқыту барысында ерекше білім беру қажеттіліктері бар студенттерді жеке

сүйемелдеудің өзекті мәселелері, білім алушылармен өзара әрекеттесу

ерекшеліктері, сондай-ақ қолжетімді әрі жайлы білім беру ортасын

қалыптастырудағы волонтерлік қолдаудың рөлі қарастырылды.

Іс-шара ашық диалог, кәсіби пікір алмасу және қатысушылардың зор

қызығушылығы жағдайында өтті. Волонтерлік клуб студенттері белсенділік

танытып, инклюзивті білім беруді қолдауға өз үлестерін қосуға дайын

екендіктерін көрсетті.

Кездесу соңында Педагогикалық институт деканы Ахмадиева Ж.К.

құрметті қонақтарға инклюзивті білім беруді дамытуға қосқан үлестері мен

оқыту іс-шарасына қатысқандары үшін алғыс хаттар табыстады. Ал орталық

басшысы Чокушева А.И. студент-волонтерларды сертификаттармен

марапаттады.

Осындай бастамалар студенттердің кәсіби және әлеуметтік

жауапкершілігін қалыптастыруға, сондай-ақ университет қауымдастығында

инклюзия, өзара көмек және адамгершілік құндылықтарын нығайтуға ықпал

етеді.

2026 жыл, сәуірдің 8 күні EXPO орталығында орналасқан BLCU Kazakhstan студенттері мен Мәжіліс депутаты Нұржан Әшімбетов арасында ерекше форматтағы кездесу өтті. Шараны BLCU директоры Бауыржан Тлеуметұлы модератор ретінде жүргізіп, спикер мен аудитория арасындағы еркін сұқбатқа жол ашты.

Кездесу хаттамалық шеңберден шығып, еркін форматта өрбіді. Студенттер саясатқа қатысты өз көзқарастарын ашық білдіріп, сұрақтарын еркін қоя алды. Өз кезегінде Нұржан Әшімбетов студенттермен «бір толқында» болып, өзекті мәселелерге шынайы жауап берді. Депутат өз тәжірибесімен бөлісе отырып, саясаткер болу табан асты келетін сәттілік емес, қажырлы еңбектің нәтижесі екенін айтты. Ол жастарды еңбекқорлық пен табандылыққа шақырып, тек үздіксіз ізденіс қана үлкен белестерге бастайтынын жеткізді.

Кездесу соңында Нұржан Кемерұлы BLCU филиалының жұмысына жоғары баға берді. Ол небәрі екі жыл ішінде университеттің осындай үлкен жетістіктерге жетіп, сапалы білім мен белсенді студенттік орта қалыптастыра алғанына таңданысын жасырмады. Депутат университет ұжымы мен студенттеріне сәттілік тілеп, кез келген игі бастамаға ашық екенін тағы да растады.

Оқу ордамыз маңызды халықаралық диалогтың жаңа деңгейіне көшті. Университетімізге Финляндия Республикасының Қазақстандағы Төтенше және Өкілетті Елшісі Янне Хейсканен мырза ресми сапармен келді.

Шара Елші мен AIU Президенті Серік Азтайұлы арасындағы ресми кездесуден басталды. Әңгіме барысында Янне Хейсканен университеттің тыныс-тіршілігімен, академиялық жетістіктерімен және бірегей білім беру ортасымен танысты.

Екі тарап өзара Финляндияның ЖОО туралы, әсіресе заманауи педагогика мен  озық үлгідегі оқыту технологиялары мәселелерін талқылады. AIU Президенті финляндиялық әріптестердің қатысуымен Астанада Педагогикалық шеберлік орталығын ашу идеясын ұсынды. Бұл орталық алдымен университет оқытушыларының, кейін елордадағы білім беру мекемелері басшылары мен педагогтарының біліктілігін арттыруға бағытталмақ. Сондай-ақ, AIU-дің туризм жобаларына фин кәсіпкерлері мен еуропалық инвестицияларды тарту жағдайы талқыланды. Тараптар бұл ұсыныстарды Финляндияға жоспарланған сапарлар іс-шаралар тізіміне енгізуге келісті.

Сенім мен сыйластық арқау болған бұл кездесуде Серік Азтайұлы мәртебелі қонаққа университет атынан күш, бірлік пен серпінділіктің символы — қамшы сыйлады. Өз кезегінде Хейсканен мырза университет кітапханасына «Финляндияның 100 инновациясы. Финляндия қалай Финляндия болды: саяси, әлеуметтік және тұрмыстық инновациялар» атты естелік кітабын тарту етті.

Мұнан соң Елші кездесуді студенттермен жалғастырды, «Финляндия — әлемдегі ең бақытты елде сыртқы саясат қалай қалыптасады?» тақырыбында ашық дәріс оқыды. Ол Финляндияның ішкі әл-ауқаты мен білім беру құндылықтары әлемдік аренаға тиімді дипломатия құруға қалай көмектескенін егжей-тегжейлі түсіндірді. Студенттеріміз Фин еліне деген ынтызарлығын танытып, дипломатты сұрақ астына алды. Қызу әңгіме барысында білім гранттары мен әйгілі «фин бақытының» құпиялары туралы еркін пікір алмасты.

2026 жыл, 7 сәуір күні университетімізде Қазақстанның еңбек сіңірген әртісі, белгілі әнші Майра Ильясовамен кездесу өтті. «Музыкалық оқыту» білім беру бағдарламасының ұйымдастыруымен өткен бұл шара еркін форматтағы шынайы сұхбатқа ұласты.

Сұқбат барысында Майра ханым өзінің өнер жолындағы алғашқы қадамдарынан бастап, бүгінгі биік белестеріне дейінгі басынан өткен қызықты оқиғаларымен бөлісті. Ол өнер адамының қалыптасуындағы қиындықтарды жасырмай, сахна талап ететін темірдей төзім мен қажырлы еңбектің маңызын ерекше атап өтті. Студенттер әншінің жеке өмірбаянынан бұрын-соңды айтылмаған тың ақпараттарды естіп, өнер жолындағы кедергілерді қалай жеңуге болатыны жайлы құнды кеңестер алды. Майра ханым өмірдің соқпақтары мен қуанышты сәттерін шынайы баяндай отырып, жас буынды адалдық пен кәсіби шеберлікке шақырды.

Кездесу барысында студенттеріміз өз өнерлерін ортаға салып, бірнеше музыкалық номер арқылы мәртебелі қонақты тәнті етті. Жиналған қауым өнер иесіне көкейкесті сұрақтарын қойып, әзіл мен парасатты ой егіз өрілген әдемі әңгіменің куәсі болды. Кеш соңында Майра ханым өзі де ән шырқап, әнді қосылып айтқан, би билеп, белсенділік танытқан студенттер мен оқытушыларға 9 мамыр күні Алматыда өтетін «Сағындырған әндер-ай» атты ретро-концертіне билеттер сыйға тартты.

Университет ұжымы да бұл тұрғыдан өнер иесіне өзіндік сый-сыяпатын табыстады. Студентіміз Сымбат Әшеева өз қолымен салған ғажайып картинасын тарту етті. Туындының шеберлігіне таңғалған Майра Ильясова жас суретшіге де өзінің концертінен билет сыйлады. Кездесу өте көңілді әрі жоғары деңгейде өткеніне ешбір күмән жоқ.

Қазақстанда «Study in KZ» атты ауқымды білім беру көрмесі өз жұмысын бастады. Көрме отандық және шетелдік жетекші жоғары оқу орындарының бағдарламаларын таныстыруды және жастарға сапалы білім алудың жаңа бағыттарын көрсетуді мақсат етіп отыр. Көрмеге Astana International University-ге қарасты Пекин тіл және мәдениет университеті (BLCU) филиалы белсенді қатысуда.

Дәстүрлі түрде көрме қатысушылары Қазақстанның 14 өңірін қамтитын ауқымды ақпараттық турға аттанбақ. Білім керуені барысында болашақ студенттерге Қытайдың үздік оқу орындарының бірінде білім алу, халықаралық қос дипломды бағдарламалар және тілдік тағылымдамалар туралы толық мәлімет беріледі. Бұл бастама еліміздің өңірлеріндегі жастарға халықаралық стандартқа сай білім алуға жол ашады.

Кездесулер кестесі:

• 8 сәуір – Павлодар

• 9 сәуір – Семей

• 10 сәуір – Өскемен

• 13 сәуір – Алматы

• 14 сәуір – Қаскелең

• 15 сәуір – Тараз

• 16 сәуір – Шымкент

• 17 сәуір – Түркістан

• 18 сәуір – Қызылорда

  «Study in KZ» платформасы мен BLCU филиалының бұл ынтымақтастығы болашақ студенттер үшін толағай мүмкіндіктерге қол жеткізудің тікелей жолы болмақ.

2026 жыл, сәуірдің 6 күні Алматы қаласында, Arizona State University-ге қарасты Innotech кампус базасында Қазақстан мен Әзірбайжан университеттері ректорларының ІІ Форумы өтті. Халықаралық деңгейдегі бұл маңызды шараға ҚР Ғылым және жоғары білім министрі Саясат Нұрбек пен Әзірбайжан Республикасының Ғылым және білім министрі Эмин Амруллаев қатысты.

Форум аясында білім мен ғылым саласындағы өзара ықпалды нығайту бойынша белсенді талқылаулар жүріп, жоғары оқу орындары арасында бірқатар маңызды келісімдерге қол қойылды. Біздің университетіміз үшін бұл шара халықаралық ынтымақтастықты кеңейтудің жаңа деңгейі. Университет ректоры А.Б. Мырзағалиева Әзірбайжанның төрт жетекші жоғары оқу орнымен ынтымақтастық туралы меморандумдарға қол қойды:

• Баку славян университеті;

• Әзірбайжан мемлекеттік экономикалық университеті;

• Әзірбайжан тілдер университеті;

• Хазар университеті.

Сонымен қатар, 2025 жылдан бері университетіміздің серіктесі боп келе жатқан Баку мемлекеттік университетімен қос дипломды және үштік диплом бағдарламаларын іске қосу мәселелері талқыланды. Форум жоғары деңгейде ұйымдастырылып, екі ел арасындағы академиялық интеграцияны нығайтуға бағытталған стратегиялық қадам болды.

2026 жылғы 4 сәуірде Astana International University Педагогикалық

институтында білім беру бағдарламаларын кешенді талдау және жетілдіру

мәселелеріне арналған жұмыс отырысы өтті. Оған білім беру

бағдарламаларының жетекшілері мен кафедра меңгерушілері қатысты.

Отырыс барысында білім беру бағдарламаларының өзектілігі, оқу

мақсаттарының анықтығы мен тиімділігі, сондай-ақ олардың қазіргі білім

беру жүйесінің талаптарына сәйкестігі қарастырылды. Сонымен қатар

бағдарламалардың мазмұнын жаңарту және еңбек нарығының заманауи

талаптарына бейімдеу мәселелеріне ерекше назар аударылды.

Қатысушылар кәсіби пікір алмасып, білім беру үдерісінің сапасын арттыруға

бағытталған ұсыныстарын ортаға салды. Педагогтердің пікірлері мен

заманауи үрдістерді ескере отырып, білім беру бағдарламаларын одан әрі

жетілдірудің басым бағыттары айқындалды.

Аталған отырыс институттың білім беру қызметін дамытудағы маңызды

кезеңдердің бірі болып табылады және университеттің болашақ мамандарды

сапалы даярлауға деген ұмтылысын көрсетеді.

2026 жылдың 3 сәуірінде «Binom UniBridge» жобасы аясында

Педагогикалық институт директоры Ж. К. Ахмадиеваның қатысуымен

Әлихан Бөкейхан атындағы BINOM SCHOOL базасында ресми кездесу өтті.

Кездесуге BINOM EDUCATION ЖШС директоры Сапарғалиева С.Ш.,

Әлихан Бөкейхан атындағы BINOM SCHOOL директоры Байжанов С.Б. және

Астана қаласының ЖОО өкілдері қатысты.

Іс-шараның басты мақсаты BINOM SCHOOL мен университеттер

арасындағы ынтымақтастық жайында Меморандумға қол қою болды. Келісім

ұзақ мерзімді әріптестікті дамытуға, бірлескен білім беру бастамаларын іске

асыруға және ұйымдар арасындағы өзара әрекеттестікті нығайтуға

бағытталған.

Кездесу барысында тараптар ынтымақтастық перспективаларын

талқылап, білім беру саласында тәжірибе алмасты.

Іс-шара сындарлы және іскерлік атмосферада өтіп, стратегиялық

әріптестікті дамытудағы маңызды қадам болды.

2026 жылдың 02 сәуірінде Педагогикалық институт директоры Ахмадиева Ж.К., Педагогика және психология кафедрасының меңгерушісі Абылайхан С.М., «Мектепке дейінгі оқыту мен тәрбиелеу» білім беру бағдарламасының жетекшісі Жумабаева З.Е. және «Бастауыш оқыту педагогикасы мен әдістемесі» білім беру бағдарламасының жетекшісі Султанбекова А.Ж. Астана халықаралық университетінің Жоғары колледжінде болды.

Незігі мақсат: колледж түлектерімен кездесу өткізу, оларға кәсіби бағдар беру, университетке түсу ережелері мен мүмкіндіктері туралы толық ақпарат ұсыну және колледж бен университет арасындағы ынтымақтастықты одан әрі нығайту болды.

Кездесу барысында университетке түсу ережелері, қабылдау талаптары,  КТ тапсыру үшін тіркелу және оны тапсыру мерзімдері, құжат тапсыру кезеңдері, сондай-ақ білім беру бағдарламаларының ерекшеліктері мен артықшылықтары туралы толық ақпарат берілді. Студенттер тарапынан көптеген сұрақтар қойылды, олардың әрқайсысына толық және жан-жақты жауаптар берілді.

Кездесудің соңында университеттің «ДОиВ» ТиПО тобының студенттері (осы колледждің түлектері) мамандыққа қатысты қызықты ойындар ұйымдастырып, іс-шараны әдемі әрі көңілді аяқтауға үлес қосты

Астана халықаралық университетінің экономика жоғары мектебі оқытушы-

профессорлар құрамының академиялық ұтқырлық бағдарламасын іске асыру аясында

2025–2026 оқу жылының екінші семестрінде И. Раззаков атындағы Қырғыз мемлекеттік

техникалық университеті базасында студенттерді оқыту гибридті форматта жүзеге

асырылуда.

Экономика жоғары мектебінің оқытушылары «Қаржы», «Іскерлік келіссөздер»,

«Қаржылық есеп» және «Тұтынушылардың мінез-құлқы» пәндері бойынша оқу

сабақтарын өткізуде. Қауымдастырылған профессорлар А.К. Алпысбаева, Г.К. Байбаш,

Р.А. Ерниязов және профессор М.Ж. Турсумбаева университет-серіктестің 1–3 курс

студенттері үшін 5 кредит көлеміндегі білім беру пәндерін жүзеге асыруда.

2026 жылғы 26–31 наурыз аралығында оқытушылар офлайн дәрістер өткізіп,

«ЕАЭО елдері экономикасының дамуының қаржылық-талдамалық және есептік

аспектілері» тақырыбындағы халықаралық ғылыми-практикалық конференцияға қатысты.

Аталған іс-шара Қырғыз мемлекеттік техникалық университетінің профессоры А.А.

Шербекованың 75 жылдығына арналды. Конференция барысында университет өкілдері

экономиканы цифрлық трансформациялау, жоғары білім беру жүйесіндегі корпоративтік

басқару, Қазақстан мен Қырғызстан арасындағы экономикалық байланыстарды дамыту,

сондай-ақ жарнама нарығының дамуына цифрландырудың әсері мәселелеріне арналған

өзекті ғылыми баяндамалар жасады.

Университет-серіктестегі академиялық ұтқырлық бағдарламасын іске асыру 2026

жылғы қаңтардан мамыр айына дейін гибридті форматта жүргізілуде, бұл білім беру өзара

іс-қимылын кеңейтуге және тұрақты білім алмасуды қамтамасыз етуге мүмкіндік береді.

Мұндай бастамалар ғылыми әлеуетті дамытуға, халықаралық ынтымақтастықты

нығайтуға және білім беру сапасын арттыруға бағытталған, сондай-ақ жаһандық білім

беру кеңістігінің заманауи талаптарына және ТДМ 4 «Сапалы білім» міндеттеріне сәйкес

келеді.